အမျိုးသမီးတွေ ဘယ်လိုအချိန်မျိုးမှာ လိင်ခံစားမှုအထွတ်အထိပ်ရောက်ကြသလဲ

အမျိုးသမီးတွေ ဘယ်လိုအချိန်မျိုးမှာ လိင်ခံစားမှုအထွတ်အထိပ်ရောက်ကြသလဲ

လူ့ပတ်ဝန်းကျင်ရဲ့စံနှုန်းတွေကအမျိုးသမီးတစ်ယောက်လိင်ဆက်ဆံချိန်အထွတ်အထိပ်ရောက်တာကိုကျွန်တော်တို့တွေဘယ်လိုမြင်သလဲဆိုတဲ့အပေါ်အများကြီးသက်ရောက်မှုရှိပါတယ်။လေ့လာချက်တွေအရတော့အမျိုးသမီးတွေကလိင်ဆက်ဆံချိန်ဘယ်လိုပုံစံမျိုးကိုကြိုက်နှစ်သက်သလဲဆိုတာနဲ့ဘယ်အချိန်ခံစားမှုအထွတ်အထိပ်ရောက်ကြလဲဆိုတာတစ်ယောက်နဲ့တစ်ယောက်မတူပါဘူးလို့ဆိုထားပါတယ်။

အမျိုးသမီးတွေလိင်ခံစားမှုအထွတ်အထိပ်ရောက်ခြင်းအတွက်မိမိကိုယ်ကိုအမြင်ရယ်အဖော်ဖြစ်သူနဲ့လိင်ဆက်ဆံချိန်ပွင့်လင်းစွာစကားပြောဆက်သွယ်ခြင်းကအရေးပါနေပါတယ်။လိင်ခံစားမှုမှာအထွတ်အထိပ်ရောက်ဖို့ဆိုတာလိင်ဆက်ဆံခြင်းရဲ့အဓိကပန်းတိုင်တစ်ခုပါ။ဒါပေမဲ့အမျိုးသမီးအများစုဟာသူတို့ရဲ့အသက်၂၀ကနေ၃၀နှစ်အထိအချိန်ကာလတွေမှာလိင်ဆက်ဆံချိန်မှာလိင်ခံစားမှုအထွတ်အထိပ်ရောက်ခြင်းကိုမခံစားရပါဘူး။

ကနေဒါနိုင်ငံ Université du Québec à Montréal (UQAM) လိင်မှုဗေဒဌာနမှ ဒေါက်တာ Léa J. Séguin ဟာ အမျိုးသမီးတွေ လိင်ခံစားမှုအထွတ်အထိပ်ရောက်ခြင်းကို မျက်မှောက်ခေတ် အပြာရုပ်ရှင်လောကတွေမှာ ဘယ်လိုပုံဖော်ကြလဲဆိုတာလေ့လာခဲ့ပါတယ်။ မျက်မှောက်ခေတ်နာမည်ကြီး အပြာရုပ်ရှင် ၅၀ ခန့်ကို လေ့လာခဲ့ရာမှာတော့ ဒီဇာတ်ကားတွေထဲမှာ ၁၈.၃ ရာခိုင်နှုန်းသော အမျိုးသမီးတွေဟာ လိင်ခံစားမှု အထွတ်အထိပ်ရောက်ကြောင်း သရုပ်ဖော်ထားတာကိုတွေရပြီး အမျိုးသမီး လိင်အင်္ဂါအစေ့ (Clitoris) ကိုလှုံ့ဆော်ခြင်းကြောင့်လိင်ခံစားမှုအထွတ်အထိပ်ရောက်တယ်လို့ဖော်ပြထားတာ၂၅ရာခိုင်နှုန်းသာရှိကြောင်းဆိုထားပါတယ်။

ဒါဟာ မျက်မှောက်ခေတ် အပြာရုပ်ရှင်ကားများက အမျိုးသမီးတွေ လိင်ခံစားမှု အထွတ်အထိပ်ရောက်ခြင်းကို လွဲမှားစွာ ဖော်ပြထားတာပဲ ဖြစ်ပါတယ်။ လတ်တလောစစ်တမ်းများအရအမေရိကန်နိုင်ငံမှာ၅၃ရာခိုင်နှုန်းသောအမျိုးသားများကအပြာရုပ်ရှင်ကားများကိုကြည့်ကြပြီးအမျိုးသမီး၂၅ရာခိုင်နှုန်းကအပြာကားများကိုကြည့်ကြကြောင်းသိရပါတယ်။လူမှုစံနှုန်းတွေနဲ့သိပ္ပံပညာအရနည်းစနစ်မမှန်တဲ့အပြာရုပ်ရှင်ကားများကြောင့်အမျိုးသမီးတွေလိင်ခံစားမှုအထွတ်အထိပ်ရောက်ခြင်းကိုလူတွေလွဲမှားစွာနားလည်ထားကြပါတယ်။

ဒါဆိုရင် သိပ္ပံပညာကရော အမျိုးသမီးတွေ လိင်ခံစားမှု အထွတ်အထိပ်ရောက်ခြင်းကို ဘယ်လိုအဓိပ္ပာယ်ဖွင့်ထားလဲ။ ခံစားမှု အထွတ်အထိပ်ရောက်ဖို့အတွက် အမျိုသမီး လိင်အင်္ဂါအစေ့ (clitoris) ရဲ့ အခန်းကဏ္ဍက ဘယ်လောက်ပါဝင်သလဲ၊ အမျိုးသမီးတွေ လိင်ပိုင်းဆိုင်ရာစိတ်ကျေနပ်မှုရဖို့အတွက် ဘာတွေ လိုချင်ကြသလဲဆိုတာ ဒီဆောင်းပါးထဲမှာ တစ်ချက်ကြည့်လိုက်ရအောင်။

လေ့လာချက်များထဲက အမျိုးသမီးလိင်ခံစားမှု အထွတ်အထိပ်ရောက်ခြင်းဖင်လန်နိုင်ငံ ဟယ်လ်စင်ကီ (Helsinki) မြို့ Population Research Institute တက္ကသိုလ်မှ ပါမောက္ခ Prof. Osmo Kontula ရဲ့ လေ့လာချက်တစ်ခုထဲမှာ ဖင်လန်နိုင်ငံမှ အမျိုးသမီး ၈၀၀၀ ကျော်ကို စစ်ဆေးခဲ့ပြီး ဒီလေ့လာချက်အရတော့ အသက် ၃၅ နှစ်အောက် အမျိုးသမီး အများစုကတော့သူတို့ရဲ့ ပထမဆုံး လိင်ခံစားမှု အထွတ်အထိပ်ရောက်ခြင်းကို တစ်ကိုယ်ရည်အာသာ ဖြေခြင်းမှ ရခဲ့တာ ဖြစ်ပြီး ဒီလို လိင်ခံစားမှု အထွတ်အထိပ်ရောက်ခြင်းဟာ အသက် ၁၀ နှစ်အောက်၊ ၁၀ နှစ်နဲ့ ၁၃ နှစ်အောက် အရွယ်တွေမှာ ဖြစ်ခဲ့တာလို့ဆိုပါတယ်။

ဖင်လန်နိုင်ငံမှာ ပထမဆုံးအကြိမ် လိင်ဆက်ဆံကြတဲ့ အမျိုးသမီးများရဲ့ ပျှမ်းမျှ အသက်အရွယ်ဟာ ၁၇ နှစ်ဖြစ်ပြီး အများစုကတော့ ပထမဆုံး လိင်ဆက်ဆံတဲ့ အချိန်မှာ လိင်ခံစားမှု အထွတ်အထိပ် မရောက်ခဲ့ကြဘူးလို့ဆိုပါတယ်။ ဒါ့အပြင် အမျိုးသမီး ၈၀၀၀ အနက် လေးပုံတစ်ပုံကသာ အမျိုးသားအဖော်နဲ့ ပထမဆုံး တစ်နှစ်အတွင်း လိင်ဆက်ဆံရာမှာ ၁ ကြိမ်သာ လိင်ခံစားမှု အထွတ်အထိပ်ရောက်ခဲ့တယ် လို့ဆိုခဲ့ကြပါတယ်။ ဒီစစ်တမ်းတစ်ခုနဲ့ ကောက်ချက်တစ်ခုကို အပြီးပြတ်ချလို့မရနိုင်ပေမဲ့ အမျိုးသမီးတွေ လိင်ခံစားမှု အထွတ်အထိပ်ရောက်ဖို့ဆိုတာ အမျိုးသားတွေထက် ပိုခက်ခဲတဲ့ အရာဆိုတာကတော့ သေချာပါတယ်။

ပါမောက္ခ Prof. Osmo Kontula ၂၀၁၅ ခုနှစ်က ပြုလုပ်ခဲ့တဲ့လေ့လာချက်မှာတော့ လိင်ဆက်ဆံကြတဲ့ အမျိုးသမီးများအနက် ၆ ရာခိုင်နှုန်းက လိင်ဆက်ဆံချိန်တိုင်း အမြဲတမ်း လိင်ခံစားမှု အထွတ်အထိပ် ရောက်တယ်လို့ဆိုခဲ့ပြီး ၄၀ ရာခိုင်နှုန်းသော အမျိုးသမီးများကတော့ လိင်ဆက်ဆံချိန်တိုင်းလိုလို လိင်ခံစားမှု အထွတ်အထိပ်ရောက်ကြတယ် လို့ဆိုပါတယ်။

၁၆ ရာခိုင်နှုန်းသော အမျိုးသမီးများကတော့ လိင်ဆက်ဆံချိန် အများစုတိုင်းမှာ ခံစားမှု အထွတ်အထိပ်ရောက်ကြတယ်လို့ဆိုပါတယ်။ ၃၈ ရာခိုင်နှုန်းသော အမျိုးသမီးများကတော့ လိင်ဆက်ဆံချိန်တိုင်း ခံစားမှုအထွတ်အထိပ်မရောက်ဘဲ တစ်ခါတစ်ရံမှ ခံစားမှု အထိပ်အထွတ်ရောက်တယ်လို့ဆိုခဲ့ပြီး အသက် ၃၅ နှစ်အောက် အမျိုးသမီး ၁၄ ရာခိုင်နှုန်းကတော့

အမျိုးသားအဖော်ဖြစ်သူနဲ့ လိင်ဆက်ဆံချိန်တိုင်း တစ်ခါမှ လိင်ခံစားမှု အထွတ်အထိပ် မရောက်ကြကြောင်း ဖွင့်ဟခဲ့ပါတယ်။ ၁၉၉၉ ခုနှစ်ကတည်းက လိင်ဆက်ဆံရင်း ခံစားမှု အထွတ်အထိပ်ရောက်တဲ့ အမျိုးသမီး အရေအတွက်ဟာ ၅၆ ရာခိုင်နှုန်းမှ ၄၆ ရာခိုင်နှုန်းအထိ ကျဆင်းလာခဲ့ပါတယ်။

ဒါ့ကြောင့် အမျိုးသမီးတွေ လိင်ခံစားမှု အထွတ်အထိပ်ရောက်ဖို့အတွက် ဘာလိုအပ်သလဲဆိုတာနဲ့ ဘာကြောင့် ခံစားမှု အထွတ်အထိပ်မရောက်တာလဲဆိုတာ ပါမောက္ခ Prof. Osmo Kontula လေ့လာခဲ့ရာမှာတော့အမျိုးသမီးတွေ လိင်ခံစားမှု အထွတ်အထိပ်ရောက်စေဖို့ သော့ချက်တစ်ခုကတော့ စိတ်ခံစားချက်နဲ့ ရင်းနှီးစွာ ပေါင်းသင်းမှုတို့ ဖြစ်ကြောင်းတွေ့ခဲ့ရပါတယ်။ ဒီအချက်တွေထဲမှာ လိင်ဆန္ဒဘယ်လောက်ပြင်းပြသလဲဆိုတဲ့အချက်ရယ်၊ လိင်ပိုင်းဆိုင်ရာ ယုံကြည်ချက်ရယ်၊ အဖော်ဖြစ်သူနဲ့ ဘယ်လောက် ပွင့်လင်းစွာ စကားပြောဆက်သွယ်နိုင်သလဲဆိုတဲ့ အချက် ၃ ချက်က လိင်ခံစားမှု အထွတ်အထိပ်ရောက်ဖို့အတွက် အရေးကြီးပါတယ်။လို့ဆိုပါတယ်။

လိင်ပိုင်းဆိုင်ရာယုံကြည်ချက်တော့ အိပ်ယာထဲမှာ အမျိုးသမီးတွေ ဘယ်လောက် တတ်ကျွမ်းကြောင်း ယုံကြည်ချက်ကိုဆိုလိုတာ ဖြစ်ပြီး လိင်ခံစားမှု အထွတ်အထိပ်ရောက်ဖို့အတွက် တစ်ခြားလိုအပ်တာတွေကတော့ ပစ္စုပ္ပန် အချိန်ကို ဘယ်လောက်အာရုံစိုက်ထားနိုင်သလဲဆိုတာရယ်၊ နှစ်ဦးသား မြေစမ်းခရမ်းပျိုးအဆင့်များကို ကောင်းမွန်စွာ ဖြတ်ကျော်ခဲ့မှုနဲ့ အဖော်ဖြစ်သူရဲ့ လိင်ပိုင်းဆိုင်ရာ ကျွမ်းကျင်မှုတို့လည်းပါဝင်ပါသေးတယ်။

အိမ်ထောင်ရှိတဲ့ အမျိုးသမီး ၅၀ ရာခိုင်နှုန်းကျော်က လိင်ဆက်ဆံချိန်မှာ လိင်ခံစားမှု အထွတ်အထိပ်ရောက်ကြကြောင်း ပြောဆိုခဲ့ကြပြီး အဖော်မရှိတဲ့အမျိုးသမီး ၄၀ ရာခိုင်နှုန်းက တစ်ကိုယ်ရည်အာသာဖြည်ရာမှ လိင်ခံစားမှု အထွတ်အထိပ်ရောက်ကြကြောင်းဆိုခဲ့ကြပါတယ်။ ဒါဟာ အမျိုးသမီးတွေဟာ တစ်ယောက်နဲ့ တစ်ယောက်ကြိုက်နှစ်သက်တဲ့ ပုံစံခြင်း မတူကြောင်းပြနေပြီး အဖော်နဲ့ပဲ ဖြစ်ဖြစ် တစ်ကိုယ်ရည်အာသာဖြေတာပဲ ဖြစ်ဖြစ် လိင်ခံစားမှု အထွတ်အထိပ်ရောက်နိုင်ကြောင်း ပြသနေတာပါ။

လိင်ခံစားမှု အထွတ်အထိပ်ရောက်ခြင်းကို အဓိက တားမြစ်ထားတဲ့ အရာတွေကတော့ပင်ပန်းခြင်း၊ စိတ်ဖိအား ခံစားနေရခြင်းနဲ့အာရုံစူးစိုက်နိုင်စွမ်း နည်းခြင်းတို့ဖြစ်ကြပါတယ်။ ပါမောက္ခ Prof. Osmo Kontula ကတော့အလွန်အကျွံတွေးတောတဲ့အခါ လိင်ခံစားမှု အထွတ်အထိပ်မရောက်နိုင်ပါဘူး။ တွေးတောခြင်းက စိတ်ခံစားချက်ကို စတင်ဖြစ်စေတာ ဆိုပေမဲ့ တွေးတော့ခြင်းရပ်သွားတဲ့အခါမှ လိင်ခံစားမှု အထွတ်အထိပ်ရောက်တာ ဖြစ်ပါတယ်လို့ဆိုပါတယ်။

စိတ်ရဲ့ အရေးကြီးပုံအတွေးများက လိင်ခံစားမှု အထွတ်အထိပ်ရောက်ခြင်းကို အဓိကသက်ရောက်စေနိုင်ပြီး ရာဂပြင်းထန်တဲ့ အတွေးများမရှိတဲ့ အမျိုးသမီးဟာ လိင်ခံစားမှု အထွတ်အထိပ်ရောက်ဖို့ ခက်ခဲကြပါတယ်။ အမျိုးသမီး လိင်အင်္ဂါ အစေ့နဲ့ ရင်သားများကို လှုံဆော်ခံရခြင်းကို တွေးတဲ့အချိန်နဲ့ ကိုယ့်ဘာသာ လှုံ့ဆော်တဲ့အခါမှာ သက်ရောက်တဲ့ ဦးနှောက် အစိတ်အပိုင်းတွေက တစ်ခုနဲ့ တစ်ခု မတူကြပါဘူး။

အမျိုးသမီး လိင်အင်္ဂါအစေ့ လှုံ့ဆော်ခြင်းနဲ့ ခံစားချက် အထွတ်အထိပ်ရောက်ခြင်းဇီဝဗေဒနဲ့ ခန္ဓါကိုယ် အင်္ဂါဖွဲ့စည်းပုံတွေကို ခဏအသာထားဦး။ အမျိုးသမီးတွေဟာ Clitoris က သူတို့အတွက် လိင်ခံစားမှု အထွတ်အထိပ်ရောက်စေနိုင်ကြောင်းသိကြပါတယ်။ အမေရိကန် အင်ဒီယာနာ ပြည်နယ် Bloomington မြို့ရှိ Indiana တက္ကသိုလ်မှ လေ့လာချက်အရ အမျိုးသမီး ၃၆.၆ ရာခိုင်နှုန်းဟာ Clitoris ကို လှုံ့ဆော်ပေးမှ လိင်ဆက်ဆံချိန်မှာ ခံစားမှု အထွတ်အထိပ်ရောက်ကြောင်းတွေရှိခဲ့ကြပါတယ်။

ကျန် ၃၆ ရာခိုင်နှုန်းကတော့ ခံစားမှု အထွတ်အထိပ်ရောက်ဖို့အတွက် clitoris ကို လှုံ့ဆော်ပေးစရာမလိုပေမဲ့ ဒီလို လှုံ့ဆော်ပေးခြင်းက လိင်ခံစားချက်ကို မြှင့်တက်စေကြောင်းဆိုခဲ့ပြီး ကျန် ၁၈.၄ ရာခိုင်နှုန်းကတော့ အမျိုးသမီး အင်္ဂါအတွင်း လိင်ဆက်ဆံခြင်းနဲ့ တင်လုံလောက်ပြီလို့ဆိုခဲ့ပါတယ်။ ဒါ့အပြင် Clitoris ကို လှုံ့ဆော်ရာမှာလည်း အမျိုးသမီး ၃ ပုံ ၂ ပုံဟာ တိုက်ရိုက် အပေါ်အောက်ရွှေ့လျားမှုပုံစံ၊ စက်ဝိုင်းပုံစံ၊ ဘေးဘက်ရွေ့လျားတဲ့ ပုံစံတွေနဲ့ တိုက်ရိုက်လှုံ့ဆော်ပေးခြင်းကို ကြိုက်နှစ်သက်တယ်လို့ဆိုခဲ့ပြီး အမျိုးသမီး ၁၀ ယောက်မှာ ၁ ယောက်ကတော့ ဖိအားတင်းကြပ်စွာလှုံ့ဆော်ပေးခြင်းကို ကြိုက်နှစ်သက်တယ်လို့ဆိုထားပါတယ်။

ကျန်အမျိုးသမီးများကတော့အားမပါတဲ့ လှုံ့ဆော်ခြင်းကို သာကြိုက်နှစ်သက်ကြတယ်လို့ဆိုခဲ့ပါတယ်။ ဒီအချက်တွေအရ သိရတဲ့အချက်ကတော့အမျိုးသမီးတွေ လိင်ခံစားမှု အထွတ်အထိပ်ရောက်ဖို့အတွက်ပုံသေနည်းမရှိဘဲ အမျိုးသမီး တစ်ယောက်နဲ့ တစ်ယောက်အကြိုက်ချင်းကလည်း ကွဲပြားနေနိုင်ပါတယ်။

အမျိုးသမီးတွေ ဘယ်လိုအရာကို ကြိုက်နှစ်သက်ကြသလဲ။–  အမေရိကန် အင်ဒီယာနာ ပြည်နယ် Bloomington မြို့ရှိ Indiana တက္ကသိုလ်မှ လိင်မှုကျန်းမာရေး စင်တာပါမောက္ခ Prof. Debby Herbenick ဟာ အမျိုးသမီး ၁၀၄၆ ယောက်နဲ့ အမျိုးသား ၉၇၅ ယောက်ပါဝင်တဲ့ အဖွဲ့ကို ဘယ်လို လိင်မှု ကိစ္စတွေကို ကြိုက်နှစ်သက်ကြသလဲဆိုတာမေးမြန်းခဲ့ပါတယ်။ ဒီစစ်တမ်းအရ အမျိုးသား၊ အမျိုးသမီးတွေ လိင်မှုကိစ္စတွေထဲမှာ အကြိုက်ဆုံးအရာတွေကတော့

တိုက်ရိုက်လိင်ဆက်ဆံခြင်း၆၉.၉ ရာခိုင်နှုန်း / ပွေ့ဖက်ခြင်း၆၂၈ ရာခိုင်နှုန်း/ လိင်ဆက်ဆံချိန်မှာ နမ်းရှုပ်ခြင်း၄၉.၃ ရာခိုင်နှုန်း/ လိင်ဆက်ဆံချိန် ကြည်နှုးဖွယ်ရာ စကားများပြောဆိုခြင်း၄၆.၆ ရာခိုင်နှုန်း/ လိင်မဆက်ဆံခင် နင်းနှိပ်ပေးခြင်း၄၅.၉ ရာခိုင်နှုန်း/ ညင်သာတဲ့ လိင်ဆက်ဆံခြင်း၄၅.၄ ရာခိုင်နှုန်း/ ပါးစပ်ဖြင့် လိင်ဆက်ဆံခြင်း ၄၃.၃ ရာခိုင်နှုန်း/ အပြာဇာတ်ဝင်ခန်းများပါဝင်သော အချစ်ဇာတ်ကားများကို ကြည့်ခြင်း၄၁၉ ရာခိုင်နှုန်း/ အခန်းအပြင်အဆင်က လိင်စိတ်ကို နှိုးဆွနိုင်ခြင်း၄၁.၃ ရာခိုင်နှုန်း/ လိင်ပိုင်းဆိုင်ရာ ဆွဲဆောင်မှုရှိသော အတွင်းခံဝတ်ဆင်ထားခြင်း၄၁.၂ ရာခိုင်နှုန်း/ မကြာခဏလိင်ဆက်ဆံခြင်း၄၀.၄ရာခိုင်နှုန်း

ဒီလေ့လာချက်အရ သိရှိလာရတဲ့ အရေးကြီးဆုံးတစ်ချက်ကတော့ အမျိုးသမီးတွေ တစ်ဦးတစ်ယောက်မျှ မကြိုက်တဲ့ လိင်မှုကိစ္စလုပ်ငန်းဆိုတာ မရှိတာပါပဲ။ ဥပမာပြောရရင် အမျိုးသမီးအများစုက အပြာရုပ်ရှင်ဇာတ်ကားများနဲ့ ရာဂနှိုးဆွပေးနိုင်တဲ့ ဇာတ်ကားများကို မကြိုက်ကြပေမဲ့ ၁၁.၄ ရာခိုင်နှုန်းက ကြိုက်နှစ်သက်ကြပါသေးတယ်။

လိင်ဆက်ဆံချိန် ပွင့်လင်းမှု ရှိခြင်းဟာ အဓိကကျပါတယ်။ ဒီအချက်ဟာ အဓိကကျတဲ့အချက်မှန်း လူတိုင်း နီးပါးသိကြမှာပါ။ ပွင့်လင်းမှုမရှိတဲ့အခါ အမျိုးသမီးတွေနဲ့ လိင်ခံစားမှု အထွတ်အထိပ်ရောက်ဖို့ ပိုခက်ခဲပါတယ်။ အမျိုးသမီးတွေအနေနဲ့ လိင်ပိုင်းဆိုင်ရာ ဆန္ဒတွေ၊ ကြိုက်နှစ်သက်တဲ့ အနေအထားတွေ၊ ပြဿနာတွေကို အဖော်ဖြစ်သူနဲ့ ပွင့်လင်းစွာပြောမယ်ဆိုရင် လိင်ခံစားမှု အထွတ်အထိပ်ရောက်ဖို့လွယ်ကူပြီး ခံစားမှု မြင့်တက်စေနိုင်ပါတယ်။

နိဂုံးအနေနဲ့ လိင်ကိစ္စဆိုတာ ပျော်ရွှင်မှုနဲ့ တိုက်ရိုက်ဆက်နွှယ်နေတာပါ။ အဖော်ဖြစ်သူနဲ့ လိင်ပိုင်းဆိုင်ရာကြိုက်နှစ်သက်မှုတွေကို ပွင့်လင်းစွာဝေမျှနိုင်ခြင်းက လိင်ခံစားမှု ပြည့်စုံစေဖို့ အဓိက နည်းလမ်းတစ်ခုထဲမှာပါဝင်ပါတယ်။ Credit

Be the first to comment

Leave a Reply

Your email address will not be published.


*