Categories
သတင်း

အသက် ၁၇ နှစ်မှ ၃၀ အတွင်း အပျို လူပျိုများသာ ပါဝင်ဆင်နွှဲခွင့်ရတဲ့ အနမ်းဖလှယ်ပွဲတော် အကြောင်း.1

အသက် ၁၇ နှစ်မှ ၃၀ အတွင်း အပျို လူပျိုများသာ ပါဝင်ဆင်နွှဲခွင့်ရတဲ့ အနမ်းဖလှယ်ပွဲတော် အကြောင်း

Omed omedan ဆိုသည်မှာ အင်ဒိုနီးရှားနိုင်ငံရှိ ဘာလီလူမျိုးတို့ စကားအရ ဆွဲဆွဲလို့အဓိပ္ပါယ်ရသလို ထုံးတမ်းစဉ်လာအရ အနမ်းပေးကြတဲ့ပွဲတော် အနမ်းပွဲတော်ဟုလည်း အခုအချိန်မှာ လူသိများနေတဲ့ ကမ္ဘာကျော်ပွဲတော်တစ်ခု ဖြစ်ပါတယ်။

Omed omedan လို့ ဘာလီစကားအရ ခေါ်ကြတဲ့ ဒီရိုးရာ ဓလေ့ပွဲတော်ကို ဘာလီရှိ Banjar Kaja နဲ့ Sesetan Denpasar ဆိုသည့် ကျေးရွာလေးတွေမှာ ကျင်းပလာခဲ့တာ နှစ်ပေါင်း ၁၀၀ ကျော် ရှိနေခဲ့ပြီပဲ ဖြစ်ပါတယ်။

ဒီပွဲတော်ကို ဆင်နွှဲခဲ့ကြသူတွေက အဆိုပါကျေးရွာလေးမှ ဒေသခံလူငယ်လေးတွေကပဲ အရင်ကကျင်းပြုလုပ်ကာ ဆင်နွဲခဲ့ကြပြီး ဒီပွဲတော်ဟာလူငယ်တွေအတွက် အဓိကကျင်းပကြတာလည်း ဖြစ်ပါတယ်။

Bali ဘာသာစကားအရ Omed omedan ဆိုတာ ဆွဲသည် ဆွဲငင်သည်လို့ အဓိပ္ပါယ်ရသလို ဒီရိုးရာဓလေ့ကတော့ လူငယ်များအတွက်ကို ကျင်းပပေးသည့် အခမ်းအနားတစ်ခု ဖြစ်သည်။

ဘာလီဘာသာစကားမှ ဆင်းသက်လာပြီး ဆွဲငင်သည်ဟု အဓိပ္ပါယ်ရတဲ့ ဒီပွဲတော်သည် ဝက်အထီးနှင့် ဝက်အမတို့ရဲ့ အကြား ဖြစ်ပွားခဲ့တဲ့ရန်ပွဲမှ အစပြုပြီး အပြုသဘောဆောင်သော အကောင်းမြင်စေတဲ့ ဆွဲငင်မှုနဲ့

အနှုတ်သဘောဆောင်သော မကောင်းတဲ့လက္ခဏာ အငွေ့အသက်၏ တွန်းအားတို့ရဲ့အကြား အားပြိုင်မှုကို ကိုယ်စားပြုသည့်အနေဖြင့် ကျင်းပခဲ့ကြတဲ့ ပွဲတော်ဖြစ်ပါတယ်

သမိုင်းအရ ဒီကျေးလက် ဓလေ့ထုံးတမ်းလာ ပွဲတော်လေးဟာ သက်တမ်းအားဖြင့် နှစ်ပေါင်း ၁၀၀ ကျော် ကြာမြင့်ခဲ့သလို အရင်ကတော့ Banjar Kaja နဲ့ Sesetan Denpasar ရွာ ၂ ရွာမှ လူငယ်များသာ ဒီပွဲတော်ကို ပါဝင်ဆင်နွှဲနိုင်ခွင့် ရှိတာ ဖြစ်ပါတယ်။

မူလပွဲတော်က အခုလိုမျိုး မဟုတ်ဘူးဟု ဆိုခဲ့ကြပေမယ့် အခုလို အုပ်စုလိုက် တဖက်နဲ့တဖက် အနမ်းပေးတဲ့ဓလေ့က မည်သည့်အချိန်ကာလမှာ မည်သူကစပြီး ထည့်သွင်းလို့ စတင်ပေါ်ပေါက်လာသော ဓလေ့တစ်ခုဖြစ်ကြောင်း ဟူ၍လည်း ဘယ်သူမှ မသိကြပါဘူး။

သူ့ဟာသူ ဘယ်သူကဘယ်အချိန်က ဘာကြောင့်ပဲ ဒီဓလေ့ကို ထည့်လို့ ဘယ်အချိန်က ပေါ်လို့ပဲဖြစ်ဖြစ် မပေါ်လို့ပဲဖြစ်ဖြစ် ဒီကိစ္စအပေါ်မှာ ဘယ်သူတွေကမှ ရှင်းရှင်းလင်းလင်း သိချင်တဲ့သူ မရှိဘူးဆိုတာ သေချာမသိရပေမယ့်လည်း

သေချာတာကတော့ ယနေ့မှာ လူငယ်တွေရဲ့အကြားမှာ ဒီပွဲတော်ဟာ ရေပန်းစားတဲ့ ပွဲတော်တစ်ခု ဖြစ်လာခဲ့ပါပြီ။ ဒါပေမယ့် Omed omedan ပွဲတော်ကို လူတိုင်းပါဝင် ဆင်နွှဲလို့လည်းမရပါဘူး ကန့်သတ်ချက် တစ်ခုရှိပါတယ်။

အဲဒီကန့်သတ်ချက်ကတော့ ပွဲတော်မှာ ပါဝင်ဆင်နွှဲမယ့်သူအနေနဲ့ လက်မထပ်ရသေးသော အသက် ၁၇ နှစ်မှ အသက် ၃၀ အထိ ရှိတဲ့ လူငယ်၊ကျား၊မမရွေး မည်သူမဆိုပါဝင်ပြီး ဆင်နွှဲခွင့်ရှိတယ်ဆိုတဲ့ စည်းကမ်းကန့်သတ်ချက် တစ်ခုပဲဖြစ်ပါတယ်။

ဒါကတော့ ရှင်းပါတယ် လူပျိုအပျိုဖြစ်နေခဲ့လည်း အသက်က ၃၀ ဆိုရင်မရပါ ပွဲတော်ကိုနေ့လည် ၂ နာရီဝန်းကျင်မှာ စတင်ပြီး ကျင်းပလေ့ ရှိပါတယ်။ ပွဲတော်အစတွင် လမ်းမပေါ် စီတန်းလှည့်လည်၍ စုပေါင်းဆုတောင်းကြခြင်းဖြင့် စတင်လေ့ ရှိပါတယ်။

ဆုတောင်းခြင်းအမှုပြီးတာနဲ့ လမ်းမပေါ်တွင် ယောကျာ်းလေးက တဖက် စုစည်းသွားကြသလို မိန်းကလေးတွေကလည်း သီးသန့်စုစည်းပြီး တဖက်နဲ့တဖက် အုပ်စုကြီးနှစ်စုအဖြစ် လမ်းမအပေါ်တွင် မျက်နှာချင်းဆိုင် ထားကြပါတယ်။

ထို့နောက် ပွဲတော်ရဲ့ခေါင်းဆောင်ထဲမှ တစ်ဦးကအချက်ပြလိုက်တဲ့အခါ အုပ်စုကြီးနှစ်စုသည် လမ်းမပေါ်တွင် တဖက်ကိုတစ်ယောက်စီ အလှည့်ကျရှေ့တန်းတင်ကာ မျက်နှာချင်းဆိုင်ပြီး ရင်ဆိုင်တွေ့ကြရန် တဖြေးဖြေးနဲ့ ချဉ်းကပ်လာခဲ့ကြပါတော့တယ်။

ဒီလိုချဉ်းကပ်လာချိန် ဘေးကရေနဲ့လောင်းကြ ပက်ကြမှုတွေ ပြုလုပ်ပါတော့တယ်။ ထိုသို့ရေတွေနဲ့ ဝိုင်း၍လောင်းနေ ပက်နေခဲ့တဲ့အချိန် ယောကျာ်းလေးအုပ်စုမှ ရှေ့တန်းအပို့ခံရသူလူငယ်ဟာ တဖက်မိန်းကလေးအုပ်စုရဲ့ ရှေ့ဆုံးရှိမိန်းကလေးကို အတင်းဆွဲယူပြီး

ဖက်နမ်းရခြင်း Kissing ရသော ကစားနည်းဖြင့် ကစားရတဲ့ပွဲတော်ဖြစ်ပါတယ်။ ဒီလိုရှေ့တန်းက လူတွေဖြစ်တာနဲ့ ဘေးမှတခြားသော လူငယ်ယောကျာ်းလေးတွေကလည်း တဖက်ရှိမိန်းကလေးတွေထံ ပြေးကာဆွဲယူပွေ့ဖက်ကာ နမ်းနိုင်ကြပါပြီ။

လူအုပ်ထဲက တခြားလူတွေက ရှေ့ဆုံးမှနှစ်ယောက်အပါအဝင် ဒီပွဲတော်ကို ဆင်နွဲနေကြတဲ့ လူငယ်များ အပေါ်ကို ရေနဲ့လောင်းကြ ပက်ကြပါတယ်။

သူတို့ရဲ့ယုံကြည်မှုအရ ရေဟာပျော်ရွှင်မှုကို တိုးမြှင့်စေပြီး ရေကြောင့်စုံတွဲအတွက် အပူနှင့်တင်းမာမှုကို လျော့ကျစေပြီး အေးချမ်းစေသည်ဟုလည်း ယုံကြည်ကြပါသည်။

ဒီပွဲတော်ရဲ့ ဒီလိုအခမ်းအနားဟာ Single ဖြစ်နေကြသူများအတွက် မိမိကိုအတွဲရရှိစေတဲ့၊ အတွဲဖြစ်ဖို့ရန် မိမိအတွက် အခွင့်အရေးတွေ အများဆုံးရှိနေတဲ့ ပွဲတော်နေရာနှင့် တွေ့ဆုံဖို့ရန် သေချာသလောက် နီးပါးရှိတဲ့ တစ်ခုတည်းသော နေရာ ဖြစ်လာခဲ့ကြပြီး

စုံတွဲတော်တော်များများကလည်း ဒီပွဲတော်ကြောင့်သာ အခုလိုအတူ စုံခဲ့ကြရတဲ့အတွဲတွေက အများစုပဲ ဖြစ်နေကြပြန်ပါတယ်။ ဒီပွဲတော်မှာ အခုလိုနမ်းခြင်းအပြင် ဘာလီဒေသမှ ရိုးရာအစားအစာနှင့် လက်မှုပညာများလည်းပါရှိတဲ့ လမ်းဘေး ဈေးသည်များလည်း ရှိမည်ဖြစ်ကာ ပွဲရဲ့အခမ်းအနား မစတင်မီမှာတော့ တေးဂီတတို့နှင့် ဖျော်ဖြေတင်ဆက်မှုများလည်း ရှိပါတယ်။

အခုလာမယ့် ၂၀၂၂ ခုနှစ်အတွက် ပွဲတော်ကိုတော့ March 22 2022 မှာ ကျင်းပပြုလုပ်ကြမှာဖြစ်လို့ လေယာဉ်လက်မှတ်လည်း မှာလို့ဝယ်လို့ ရနေကြပါသေးတယ်။
Credit

Leave a Reply

Your email address will not be published.