Aung La Nsang အသက်ကြီးပြီလား ဆိုတဲ့သုံးသပ်ချက်

Aung La Nsang အသက်ကြီးပြီလား ဆိုတဲ့သုံးသပ်ချက်

Aung La Nsang က နောက်ဆုံး () ပွဲမှာ () ပွဲရှုံးထားတယ်။ ရလဒ်မကောင်းဘူး။ ချန်ပီယံဖြစ်ဖို့ဆိုတာ နောက်ကိစ္စ၊ ချန်ပီယံလုခွင့်ရဖို့ကို မလွယ်သေးဘူး။ Aung La Nsang အသက်ကြီးလို့ ရလဒ်မကောင်းတာလို့ ပရိသတ်အများစုက ထင်သွားတယ်။ အသက်အရွယ်ကြောင့် မဟုတ်ဘူး။

Aung La Nsang က (၃၆) နှစ်ပါ။ Middleweight (၂၀၅ ပေါင်) တန်းနဲ့ Light Heavyweight (၂၂၅ ပေါင်) တန်းမှာ အသက်မကြီးဘူး။ ဝိတ်တန်းကြီးတွေမှာ ပျမ်းမျှအားဖြင့် အသက် (၃၄/၃၅) နှစ်က အနေတော်ပဲ။ ဝိတ်တန်းကြီးဖြစ်နေလို့ လျင်မြန်မှုက အဓိကမဟုတ်ဘူး။ ပါဝါကိုပဲ အားပြုတယ်။ တစ်ချက်ဆို တစ်ချက်ပဲ။ ထိတာနဲ့ ကျတယ်။

တကယ်လို့ Aung La Nsang က Flyweight (၁၃၅ ပေါင်) နဲ့ Bantamweight (၁၄၅ ပေါင်) တန်းမှာ ကစားရင် အသက်ကြီးပြီ။ ဝိတ်တန်းငယ်တွေမှာ လျင်မြန်မှုကို အဓိကထားတယ်။ အသက်ကြီးရင် လေးသွားတယ်။ ဒါ့ကြောင့်လည်း ဝိတ်တန်းငယ်တွေမှာ သက်ကြီးကစားသမားတွေက ရလဒ်မကောင်းတာပါ။

အသက်ကြီးလို့ မဟုတ်ရင် ဘာကြောင့်လဲ။ Aung La Nsang က Takedown Defense မကောင်းလို့ပါ။ ဝင်လုံးခံရတိုင်း ပါသွားတယ်။ ဘယ်လိုမှ မကာကွယ်နိုင်ဘူး။ Grappling & Wrestling Session ကို ပိုအချိန်ပေးသင့်တယ်။ ပြီးတော့ ကိုယ့်အားသာချက်ကို အသုံးချနိုင်ဖို့ လိုတယ်။ Aung La Nsang က Striking အားသန်တာပါ။

ဒါပေမယ့် ကိုယ်အားသာတဲ့ Striking မှာတောင် Vitaly Bigdash ကို အသာမရဘူး။ Low Kick ကန်တာတောင် ခံလိုက်ရသေးတယ်။ တွဲလုံးတွေ ထွက်မလာဘူး။ အမြင့်ကန်ချက်လည်း မတွေ့ရဘူး။ ဒီအချက်တွေကြောင့် ရလဒ်မကောင်းတာပါ။ အသက်အရွယ်ကြောင့် မဟုတ်ပါဘူး။ စာဖတ်သူတွေ ဘေးကင်းပါစေ။   Crd ONE Championship

Be the first to comment

Leave a Reply

Your email address will not be published.


*